फिचर, समाचार » माघ ८ मा युवाहरु एटम बमको रुपमा पट्किने

माघ ८ मा युवाहरु एटम बमको रुपमा पट्किने



शनिवार दिउँसो पनि संविधान माघ ८ मै निर्माणको लागि विभिन्न सामाजिक संघसंस्थाहरुले दबाबसहित राजधानीमा बृहत युवा खबरदारी मार्च सम्पन्न गरेका छन् ।

तोकिएकै मितिमा संविधान जारी गराउन युवाको तर्फबाट जागृति बाल तथा युवा सरोकार नेपालका तिलोतम पौडेल, सकारात्मक विकास सञ्चार केन्द्रका महासचिव भिम लामा, राष्ट्रिय युवा महासंघका महासचिव लोकराज अवस्थी, युवा संसाद नेपाल अभियानका अध्यक्ष दिवाकर , चेतनारायण रसाईली लगायतले वक्तव्य राखेका थिए ।युवा खबरदारी मार्चलाई सम्बोधन गर्दै नेपाली काँग्रेसका सभासद रामहरि खतिवडाले माघ ८ गते भित्र संविधान जारी गर्न शिर्ष नेताहरुलाई दबाब दिईरहेको र माघ ८ भित्र संविधान जारी नगरे शिर्ष नेताहरुलाई संसद भवनभित्रै चुकुल लगाएर थुन्ने युवा सभासद्हरुको योजना भएको बताए ।