प्रदीप पौडेलको बिहे भोज सशस्त्रको मुख्यालयभित्र, पाँच हजारलाई निम्तो
काठमाडौं, १७ वैशाख । नेपाली कांग्रेसका युवा नेता प्रदीप पौडेलले पाँच हजारभन्दा बढीलाई आफ्नो विवाहको भोज खान निम्तो बाँडेको खुलासा भएको छ ।
नेता पौडेलले दुई दिनपछि सशस्त्र प्रहरीको मुख्यालय हलचोकमा भव्य पार्टी राखेका छन् । दिउँसो दुई बजेदेखि सुरू हुने बिहे भोजमा पौडेलले रक्सीको आइटम भने राखेका छैनन् । ‘खानाका परिकार थुप्रै छन्’, स्रोतले भन्यो, ‘रक्सी भने अर्डर गरिएको छैन ।’ पौडेलले एकजना व्यक्ति बराबर छ सय रुपियाँका दरले तिरेको स्रोतको दाबी छ ।
नेता पौडेलले प्रधानमन्त्रीदेखि आफ्ना नातागोता, व्यापारी, साथीभाइ, फिल्मकलाकार, पत्रकार विभिन्न दलका नेता, एनजिओ, आइएनजिओ, सुरक्षा निकायका उच्च अधिकारी, संवैधानिक निकायका प्रमुख आदिलाई निम्तो पठाएको स्रोतले जनाएको छ । उनको विवाह भोजमा मजुरहरूलाई भने बोलाइएको छैन । मजदुरको नाममा राजनीति गर्नेलाई भने बोलाइएको छ ।
तनहुँ जिल्ला स्थायी घर भएका ४१ वर्षीय युवा नेता पौडेलले नेविसंघकी केन्द्रीय सदस्य रामेछाप घर भएकी २९ वर्षीया एञ्जिला न्यौपानेसँग तीन दिनअघि बुधबार राजधानीमा धुमधामसँग विवाह गरेका थिए ।
dainiknepal