फिचर, मनोरज्जन » श्रीको परिवारको इज्जत भएर अगाडी बढ्ने श्वेताको प्रण

 विवाह भएको एक महिनामा नै श्रीमान् गुमाएकी श्वेता खड्का पति वियोगमा निकै छट्पटाइरहेकी छिन् । विगत केहि दिनदेखी उनले सामाजिक सञ्जाल फेसबुकलाई आफ्नो वेदना र भावना साट्ने माध्यमको रुपमा उपयोग गर्दै आएकी छिन् । हो, त्यहि सामाजिक सञ्जालमा उनले करिब एक घण्टा अगाडि आफ्ना भावनाहरु सार्वजनिक गरेकी छिन् । उनले अबदेखि आफ्ना स्वर्गीय पतिको परिवारको असल छोरी, बहिनी र इज्जत भएर बाँच्ने प्रण गरेकी छिन् ।


आफ्नो आधिकारी फेसबुक पेजमा श्रीकृष्ण श्रेष्ठको पुरै परिवारको फोटो र आफ्नो विवाहको फोटो पोष्ट गर्दै आफू आफ्नो पती परमेश्वरको पछि लागेर नयाँ जिन्दगी बसाल्न अनेकौँ सपनाहरु बुनेर नयाँ घरमा कर्म बसाल्न पुगेको बताइन् । आफ्नो श्रीमान गुमाएको पिडा केवल नारीलाई मात्र नभई उक्त घरको सारा परिवारलाई खपिनसक्नु हुने बताउँदै आफ्ना पिडा सबै लुकाएर उनलाई सम्हाल्न शक्ति प्रदान गरेकोमा श्रीको परिवारप्रति आभार प्रकट गरेकी छिन् ।

श्रीको परिवारले देखाएको माया, सद्भाव र साथलाई भित्रि मनदेखि धन्यवाद दिँदै अब उक्त परिवारले सम्झे जसरी असल छोरी, बहिनी भएर परिवारको इज्जत राखेर अगाडी बढ्ने प्रयास गर्ने बताइन् ।

आउने दिनमा आफूबाट हुने केहि गल्तीहरुमा सुधार्ने मौकाको अपेक्षा गर्दै श्रीको परिवारले आफ्नै बहिनी र छोरीको दर्जामा राख्ने कुरामा उनी विश्वस्त भएको बताएकी छिन् ।