आजको बिशेष, फिचर » नेपाल–चीन सम्झौतापछि भारतमा हलचल, भारतीय बिदेश मन्त्रालयबाट आयो यस्तो प्रतिक्रिया

काठमाडौँ, १० चैत, नेपालका प्रधानमन्त्री केपी शर्मा ओलीको चीन भ्रमणका बेला निक्कै महत्वपूर्ण सम्झौताहरु सम्पन्न भए । व्यापार तथा पारवहन सम्झौता भएको २४ घण्टा नबित्दै भारतीय विदेश मन्त्रालयले पनि अर्थपूर्ण प्रतिक्रिया दिन भ्याएको छ ।

व्यवहारिक विकल्प खोज्न नेपाल खुला रहेको प्रतिक्रिया दिँदै भारतले भनेको छ, 'तर, नेपाल र भारतको सम्बन्ध अरुको जस्तो होइन ।' भारतीय विदेश मन्त्रालयका प्रवक्ता विकास स्वरुपले मंगलबार आयोजित प्रेस ब्रिफिङमा यस्तो प्रतिक्रिया दिएका हुन् । पत्रकारहरुको 'चीनसँग नेपालले गरेको समझदारी भारतका लागि चुनौतीपूर्ण हो कि होइन ?' भन्ने प्रश्नमा स्वरुपले फाइल नै पल्टाउँदै भने, 'नेपाल भूपरिवेष्टित देश हो । चाहेको व्यवहारिक विकल्प खोज्न ऊ खुला छ । यसले नेपाल–भारत सम्बन्धलाइृ असर गर्दैन । यस्तो स्पेसल र प्रिभिलेज्ड सम्बन्ध अन्त छैन । हाम्रो नेपालसँगको सम्बन्ध आफ्नै प्राकृतिक तर्कसंगत छ । तपाईंहरु आफैँलाई सोध्नुस्ः नेपालको भारतसँग कुन स्तरको सम्बन्ध छ, अरुसँग कहाँ छ ? प्रधानमन्त्री अ‍ेलीले नयाँ दिल्ली आउँदा के भन्नुभएको थियो ? उहाँको अपेक्षा के थियो, अपेक्षाभन्दा बढी के प्राप् गरेको उहााले भन्नु भयो ? रेकर्डमा सबै कुरा छ! आजको नयाँ पत्रिकाले लेखेको छ ।

aajakokhabar