साप्ताहिक राशिफल [चैत्र १४ गते आइतवारदेखि २० गते शनिवारसम्म]
मेषराशि
यो साता धेरै कुराको सिद्धिको लागि उत्तम रहेको छ ।
वृषराशि
यो साताको सुरु भन्दा मध्य र अन्त्य सुखद रहने छ । पारिवारिक जिम्मेवारीले गर्दा तपाईंलार्इ अघि सहज हुनेछ । सामाजिक र व्यक्तिगत काम दुवै पुरा हुनेछन् । ब्यापार, ब्यवसायको लागि यो समय उत्तम रहने छ । विश्वास नलागेका व्यक्ति सहयोगी भएर आउने छन् । मानसिक शान्ति र परिवारको माया पाइने छ । कुल, कुटुम्बको कारण भने केही चिन्ता हुनेछ । अचल सम्पत्तिको विवाद कायम रहने छ । साताको सुरु केही कमजोर रहला । ब्यर्थका कुरामा भागदौड होला । कार्य क्षेत्र उपलब्धि हुनबाट आफ्नाहरुले नै दिने छैनन । भोलिको लागि सोच राखेर गरेका काम सोचमै सीमित हुनेछन् । आर्थिक कारोवारमा आफूलार्इ हानी होला । साताको मध्यतिर नयाँ कुरा भोग्न पाइने छ । व्यक्तिगत कार्य सिद्धि हुनेछन् । ब्यापार, व्यवसायका लागि समय उत्तम रहने छ । केही टाढाको यात्रा सम्भव हुने योग छ । निश्चित कामको लागि तपार्इंको यात्रा होला । साताको अन्त्य दीर्घकालिन सोचका कामको सिद्धिका लागि उपयुक्त रहने छ । कार्य व्यस्तताको बीच पनि सोचेका काम पुरा हुनेछन् । घरमा केही शुभ कामको थालनी हुनेछ । व्यक्तिगत टकरावले गर्दा परिवारमा भएका शुभ काम त्यति सन्तुष्टी प्रदान गर्न नसक्लान् । समग्रमा साता उत्तम रहेको छ । साताको १६, १७, १९ र २० गते विशेष शुभ रहने छन् । राशि स्वामी – शुक्र, शुभ रङ्ग – सेतो, शुभ रत्न – हिरा, शुभ दिशा – दक्षिण, शुभ अंक – ०२ ।
मिथुनराशि
मिथुन राशिको लागि यो साता केही रोचक र विष्मय दुवै दिनेवाला छ । आशा गरेको ब्यक्ति असहयोगी होला तर नसोचको क्षेत्रबाट धन प्राप्ति भने हुनेछ । तपार्इंको आफ्नो भन्दा परिवारको कारण हुने सहयोगले तपार्इंलाई अघि बढाउने छ । मितेरी सम्बन्ध अति निकट रहने छ । आफ्नो औकात भन्दा माथि उठेर गरेको निर्णयले हानी पुर्याउने छ । व्यक्तिगत आकांक्षा पुरा गराउन सफल भइने छ । लामो दुरीको यात्रा विशेष लाभ दिनेवाला रहने छ । साताको सुरु तिर घरमा केही धार्मिक अनुष्ठान सम्पन्न हुनेछ । बोलीको कारण अरुको आँखाको तगारो बन्नु पर्ला । निरन्तरको तपार्इंको प्रयास अन्त्यमा भएपनि सफल हुने योग रहेको छ । इच्छित कार्य सिद्धि होला । साताको बीचतिर, नसोचेका काममा लगानी गर्नु पर्ला । अरुको दवावमा रहेर काम गर्नुपर्ने बाध्यता आउन सक्ने छ । कार्य क्षेत्र त्यति उपलब्धि दिन नसक्ने देखिएको छ । मित्रको असहयोग होला । स्वास्थ्य सम्बन्धी बाधा आइपर्ने देखिएको छ । साताको अन्त्य भने सुखद रहने छ । बेरोजगारको समस्या हल हुनेछ । राजनीतिमा विशेष लाभ हुनेछ । नियमित कामको लागि लागानी हुनेछ । शैक्षिक क्षेत्र उपलब्धियुक्त रहला । समग्रमा यो साता मिश्रित फल दिनेवाला रहेको छ । साताको १४, १५, १८ र २० गते विशेष दिन रहने छन् । राशि स्वामी – बुध, शुभ रङ्ग – हरियो, शुभ रत्न – पन्ना, शुभ अंक – ०६, शुभ दिशा – पश्चिम ।
कर्कटराशि
आर्थिक व्यय भार बढ्न सक्ने छ । तर मनग्गे आर्थिक सम्भावनाहरु प्रकट हुनेछन् । लामो दुरीको यात्रा सम्भव हुनेछ । सरकारी काम बन्ने छन् । साताको अन्त्यतिर स्वास्थ्य बाधा आइ पर्ला । तपार्इंको कुशल क्षमता जान्न चाहनेहरुका कारण ठूलो सहयोग पाइने छ । विचार नगरी बोलेको परिणाम भने केही कमजोर आउला, सावधान रहनु होला । देश, विदेश घुम्ने अवसर मिल्ने छ । आफ्नो भन्दा अरुको दुःखले पीडा दिनेछ । मातृभूमिप्रति समर्पित हुने बेला आएको छ । साताको सुरुको चरण धेरै कुरा सिद्धि दिनेवाला रहेको छ । कार्यक्षेत्र विशेष उत्पादक रहने छ । विवादको अन्त्य र नयाँ कामको शुभारम्भ सँगसँगै हुनेछ । आर्थिक पाटो मजबुत हुनेछ । विश्वासै नगरेको कुरा पुरा हुने ग्रह योग रहेको छ । तपार्इंको काम गराइको शैलीलार्इ लिएर नकारात्मक टिप्पणी आए पनि अन्त्यमा त्यसलाई चिर्न सकिने छ । व्यक्तिगत आकांक्षा पुरा हुनेछन् । अरुलाई दोष दिएर गरेको कुनै पनि काम असफल हुने देखिएको छ । तपार्इंको कला र सिपको सर्वत्र प्रशंसा हुनेछ । साताको मध्यतिर यात्रा र रमणीय स्थान भ्रमण योग रहेको छ । साहित्य र कलालार्इ सम्मान गरी आर्जन गरेको प्रतिफल उच्च रहने छ । तपार्इंको ठूलो मेहनत र कोसिस भने ब्यर्थ जान सक्नेछ । पारिवारिक जिम्मेवरी पुरा गरिने छ । साताको अन्त्य उपयोगी भएपनि स्वास्थ्य सम्बन्धी बाधा देखा पर्ने छन् । भोलिको लागि सोच राखेर गरिने काम बन्ने छन् । मातृभूमिको लागि केही राम्रो सोच राखेर गरिने काम बन्ने छ। विचारको कारण तपार्इंलाई अग्रणी हुने मौका मिल्ने छ । समग्रमा साता उपलब्धिमुलक नै रहने छ । साताको १४, १६, १८ र २० गते विशेष दिन रहेका छन् । राशि स्वामी – चन्द्रमा, शुभ रङ्ग – सेतो, शुभ रत्न – मोती, शुभ अंक – ०४, शुभ दिशा – उत्तर ।
सिंहराशि
यो साता धेरै आशा र कम निराशा दिनेवाला छ । साताको धेरै जसो समय सामुहिक काममा ब्यस्त बनिने छ । सोचेका धेरै जसो काम बन्ने छन् । व्यक्तिगत रुपमा गरेका काम भने केही कमजोर फलि रहने छन् । पारिवारिक जिम्मेवारी वहन गर्न सफल भइने छ । न्यायिक कुरामा आफू तल परिने भय बनेको छ । कार्य क्षेत्र सार्थक रहने छ । तिर्थ, व्रत, यात्रा आदिको लागि समय विशेष रहने छ । आफ्नो मूल्याङ्कन नै नगरी अरुको भरमा चल्न खोज्नु असफलताको कारण बन्ने छ । साताको सुरुमा अनेक भागदौड पश्चात मात्र कार्य सिद्ध हुनेछ । मेहनत अनुसारको प्रतिफल नआउनु तपार्इंको गम्भीर कमजोरीले हुनेछ । सिर्जनाको लागि मरिमेट्ने तपार्इंको स्थिति रहे पनि प्रतिफल त्यति सन्तोषजनक नरहला । सन्तान मार्गबाट शुभ समाचार सुन्न पाइने छैन । केही लामो दुरीको यात्रा सम्भव रहने ग्रह योग रहेको छ । परिवारमा बेमेल रहला अरुलाई लाभ हुनेछ । साताको मध्य तिर अचानक धन पाइने छ । नसोचेको यात्रा होला तर यात्रा सफल रहने छ । कार्यक्षेत्र ब्यस्त बने पनि सोचेको प्रतिफल हात लाग्ने छ । सामूहिक प्रयासले भन्दा व्यक्तिगत प्रयासले कार्य सफल हुनेछ साताको अन्त्य सबै कुराको सिद्धिको लागि उत्तम रहने छ । मानसिक शान्तिको लागि गरिने हर प्रयास सफल हुनेछन् । समग्रमा साता मध्यम फलि रहने छ । साताको १५, १६, १७ र २० गते विशेष दिन रहने छन् । राशि स्वामी – सूर्य, शुभ रङ्ग – रातो, शुभ रत्न – माणिक्य, शुभ दिशा – पूर्व, शुभ अंक – ०१ ।
कन्याराशि
सिप र कलाको सहि प्रयोगद्वारा गरिने हर काम सफल हुनेछ । मानवीय समवेदनाका कुरामा जिम्मेवार रहनु हुनेछ । खासगरी बैदेसिक कामको लागि यो साता सुखद रहने छ । विचार र व्यवहारका कारण अरुको आदर्श बनिनेछ । निश्चित कामको लागि अधिक व्यय होला । घरमा शुभ काम सम्पन्न हुनेछन् । लामो समयबाट रोक्किएका काम बन्ने छ । साताको सुरुमा गरेका अधिकतम काम ब्यर्थ जाने छन् । झमेलाका कारण काम गर्ने जाँगर कमजोर हुनेछ । प्रकृतिको बाधा सहनु पर्ला । परिवारमा असमझदारी बढ्ने योग छ । निरन्तरको प्रयासबाट ढिलै भएपनि सोचका काम बन्ने छन् । साताको मध्यतिर शुभ कामको लागि उत्तम रहने छ । विवादित कुरामा नलागेको बेश हुनेछ । सृजना र प्रयोगमा एकरुपता आउँदा सोचेको प्रतिफल पाइने छ । आफूलाई लाभ हुने कुरामा कसैसँग सम्झौता गरिने छैन । मित्रको भर रहने छ । केही साना तिना कुरामा मानसिक अशान्ति हुनेछ । तपार्इंको मार्गमा अवरोध गर्नेहरु नासिने छन् । साताको अन्त्य केही कमजोर रहेपनि विशेष कार्यमा कुनै हानी हुने छैन । बोलीको कारण हुने ब्यापारबाट लाभ हुनेछ । तपार्इंको मार्गदर्शन गर्नेहरु फस्टाउने छन् । जीवनको बारेमा सोचेर उत्साहित भइने छ । न्यायिक काम बन्ने छ । स्वस्थ्य लाभ रहने छ । समग्रमा यो साता मिश्रित फलि रहने छ । साताको १४, १६, १७ र २० गते विशेष शुभ रहने छन् । राशि स्वामी – बुध, शुभ रङ्ग – हरियो, शुभ रत्न – पन्ना, शुभ अंक –०६, शुभ दिशा – दक्षिण ।
तुलाराशि
नसोचेको यात्रामा निसक्नु पर्नेछ । राजनीतिको लागि साता अति उत्तम रहेको छ । सरकारी काम बन्ने छन् । तपार्इंको विश्वासमा ठुला ठुला कामहरु बन्ने छन् । आफ्नो औकात भन्दा माथिका कुरा ताके पनि सफल हुन भने गाह्रो पर्ने छैन । मित्रता दिगो रहने छ । तर अचानक नसोची गरेको निर्णयबाट भने चुकिने छ । सामाजिक कामको लागि समय उत्तम रहेको छ । साताको सुरुमा गरेको भन्दा मध्यतिर गरेको काम अरु प्रभावि रहने छ । साताको सुरुमा धेरै रमाइला काम बन्ने छन् । लामो दुरीको यात्रा सम्भव हुनेछ । विवादित कुराको लागि यो समय त्यति उपयुक्त रहेको छैन । मेसिनरी बस्तुको प्रयोग गर्दा सावधान रहनु होला । अरुलाई गरेको गुन लाग्ने छैन । माया पिरतीमा फसिने छ । गुमेको धन हात पर्नेछ । साताको मध्यतिर सौखिन कार्यको ब्यापार फस्टाउने छ । विचार र व्यवहारमा एकरुपता ल्याउनु जरुरी रहेको छ । अनैतिक व्यक्तिको साथले प्रतिष्ठा कमजोर रहने छ । भोलिको लागि दीर्घकालिन सोचका काम पुरा हुने छन् । व्यक्तिगत आकांक्षा पुरा हुनेछ । साताको अन्त्य सुखद रहने छ । कार्य व्यस्तताको बीच पनि केही रमाइला काममा तपार्इंको उपस्थिति हुनेछ । सन्चार र कला साहित्य क्षेत्रप्रति तपार्इंको लगाव हुनेछ । परिस्थिति आफू अनुकूल रहने देखिएको छ । समग्रमा यो साता मध्यम रहला । साताको १४, १५, १७ र २० गते विशेष दिन रहने छन् । राशि स्वामी – शुक्र, शुभ रङ्ग – सेतो, शुभ रत्न – हिरा, शुभ अङ्क –०७, शुभ दिशा – पश्चिम ।
बृश्चिकराशि
आफ्नाहरू टाढिने छन् । कार्य क्षेत्र ब्यस्त बनिरहने छ । तपार्इंको हित चाहनेहरु बढ्ने छन् । नकारात्मक सोचबाट टाढा रहेको राम्रो हुनेछ । विद्या, वुद्धि र विवेकको प्रयोगबाट लाभ हुनेछ । आर्थिक पक्ष केही कमजोर रहने देखिएको छ । विचारमा तल परिने छ । सामाजिक क्षेत्र प्रति उत्तरदायी रहने योग छ । साताको सुरु यात्राको लागि शुभ रहेको छ । केही जिम्मेवारी पुरा हुनेछन् । अचानक कसैको कुराले विवाद समेत हुनेछ । बैदेसिक यात्राको लागि समय उत्तम रहने देखिएको छ । साहित्य, कला र सामाजिक क्षेत्रमा लगाव हुनेछ । सीमित कामनाले तपार्इंको इच्छा कमजोर बन्न सक्ने छ । सन्तानबाट अशुभ समाचार सुनिने छ । अरुलाई दोष दिएर गरिने कुनै पनि काम बन्ने छैनन् । हित चिन्तक टाढिएलान् । साताको मध्य र अन्त्य कृषि, पशुपालन र ब्यापारको लागि उत्तम रहने छ । केही बेरोजगार व्यक्तिको सहयोग गर्न तत्पर भइने छ । दीन, दुःखीको सेवाले मानसिक शान्ति हुनेछ । रमाइला प्रसङ्गमा रम्न मन लाग्ने छ । गाडी, वाहन सुख भोग्न पाइने छ । समग्रमा साता उत्तम रहने देखिएको छ । साताको १४, १६, १८ र १९ गते विशेष दिन रहने छन् । राशि स्वामी – मंगल, शुभ रङ्ग – रातो, शुभ रत्न – मुँगा, शुभ दिशा – उत्तर, शुभ अंक – ०८ ।
धनुराशि
यो साता धेरै सम्भावना लिएर आएको छ । रोजगारका अवसर प्राप्त हुनेछन् । मेसिनरी बस्तुको प्रयोग गर्दा सावधान रहनु पर्नेछ । कार्य क्षेत्रमा देखिने असमझदारीको अन्त्य हुनेछ । तार्किक क्षमताले अरुलाई आकर्षण गर्न सजिलो हुनेछ । हातमा आइसकेको अवसर गुम्न सक्ने छ । माया पिरतीमा विशेष लाभ हुनेछ । बैदेसिक कामको लागि यो साता कमजोर रहने छ । साथी, रमित्रको कारण विश्वास नलागेको कुरा पुरा हुनेछ । जिम्मेवारी पुरा गर्ने सन्दर्भमा चुकिन सकिने छ । आर्थिक रुपमा विशेष साता रहेको छ । भागदौड र ढिला सुस्तीको बीच पनि कार्य असफलता हुने देखिएको छ । आफूलाई प्रिय लाग्ने विषय अरुको लागि घात पनि हुन सक्ने छ, अतः सोचेर काम गर्नु होला । इष्ट मित्रको साथ विशेष भलाकुसारी हुनेछ । अनैतिक ब्यक्ति तपार्इंको व्यवहारबाट बेखुस हुन सक्ने छन् । हातमा आइसकेको अवसर गुम्नु तपाईं आफ्नै कारणले हुनेछ । शारीरिक रुपमा थकित अनुभूति हुनेछ । तपार्इंको प्रगतिमा केही राम्रा क्षणहरु पत्ता लाग्ने छन् । समग्रमा साता उत्तम रहने देखिएको छ । साताको १४, १५, १७, १९ र २० गते विशेष गरी लाभदायक दिन रहने छन् । राशि स्वामी – बृहस्पति, शुभ रङ्ग – पहेँलो, शुभ रत्न – पुष्पराज, शुभ अंक – ०४ शुभ दिशा – पूर्व ।
मकरराशि
तपार्इंको यो साता केही कमजोर रहने छ । बनिसकेको काम अन्त्यमा बिग्रँदा दुःख लाग्ने छ । परिवारमा बेमेल हुने र अन्त्यमा कार्य सिद्धिमा बाधा पुग्नेछ । परीक्षा, प्रतियोगिताको परिणाम सोचेको जस्तो आउने छैन । भोलि हुने सबै कुराको लागि तपार्इंको चासो रहने छ । इमान्दारिताको कदर नहुने योग रहेको छ । सार्थक विषयमा लगानीको बाटो खुल्ने छ । साहित्य, कला क्षेत्र प्रति तपार्इंको लगाव हुनेछ । साथी सङ्गीको मन जित्न धेरै कुरामा ध्यान दिनु पर्ने हुनेछ । बोलीको कारण हुने ब्यापार फस्टाउने छ । ब्यापार, व्यवसायको लागि ठूलो लगानी हुने योग छ । अपराजित तपार्इंको यात्रा जारी रहने छ । कुलकुटुम्बको लागि केही गर्ने बेला आएको छ । बेला मौका देखिने अनिश्चयताले तपार्इंको निर्णय गर्ने शक्ति कमजोर गराउने छ । आफूलाई लागेका आरोप आदिको खण्डन गर्न सफल भइने छ । गुप्त शत्रुको भय बनिरहने छ । आय आर्जनका स्रोत बढ्ने छ । मितेरी सम्बन्ध नयाँ उचाईमा पुग्नेछ । विरोधीहरु नयाँ रणनीति तय गरी तपार्इंको काममा अवरोध गर्न खोज्ने छन् सावधान रहनु होला । समग्रमा यो साता मध्यम फल दिनेवाला रहने छ । साताको १४, १७, १८ र २० गते विशेष शुभ रहेका छन् । राशि स्वामी – शनि, शुभ रङ्ग – कालो, शुभ रत्न – निलम, शुभ अंक – ०७, शुभ दिशा – दक्षिण ।
कुम्भराशि
समयलाई सहि रुपमा मूल्याङ्कन गर्दै निर्णयमा पुग्नु हितकर हुनेछ । कार्य व्यस्तताको बीच पनि सोचेका काम बन्ने छन् । भोलिको लागि सोचेर चिन्तित भइने बेला छ । रोग र शोकको समय रहेको छ । ब्यक्तिगत चिन्ताले गर्दा पारिवारिक वातावरण पनि कमजोर रहने छ । आफ्नाहरुको असहयोग रहने योग रहेको छ । कार्य व्यस्तता बने पनि सोचेको प्रतिफल पाउन असक्षम भइने छ । झुठा आरोप मुद्दा लाग्लान् । बेरोजगारीको समस्या आइ पर्नेछ । पारिवारिक स्वास्थ्यमा अधिक खर्च हुने समय छ । प्रगतिको पाटोमा केही नयाँ अवसर थपिए पनि सहि रुपमा कार्यान्वयन गर्न भने चुकिने छ । सार्थक विषयको लागि तपार्इंले गरेको प्रयास असफल होला । पशुपालन र कृषि कार्यमा लगानी भए त्यो सुखद बन्ने छ । आर्थिक कारोवारमा ठगिने समय रहेको छ । अरुको भलो चाहँदा चाहँदै पनि आफ्नो भलो चाहने काम मात्र हुनेछन् । साताको अन्त्यमा धार्मिक र सामाजिक काम सम्पन्न हुनेछन् । सिमित कामको लागि गरेको मेहनत ब्यर्थ जाने देखिएको छ । भविष्यलार्इ सम्झेर खुसी बनिने बेला रहेको छ । समय मध्यम मात्र रहेको छ । समग्रमा साताको १५, १७, १८, १९ गते विशेष लाभदायक दिन रहने छन् । राशि स्वामी – शनि, शुभ रङ्ग – कालो, शुभ रत्न – निलम, शुभ अंक – ०७, शुभ दिशा – दक्षिण ।
मिनराशि
यो समय आफै अघि बढ्ने समय हो । कसैको आश र भरोशा गर्नु बेकार हुनेछ । इष्ट देवताको लागि पूजा, पाठमा खर्च हुनेछ । आय, व्ययका समान स्थिति आउने छ । ब्यापार लाभ दिनेवाला रहने छ । कार्य व्यस्तताको बीच पनि शुभ काममा लगानी हुनेछ । नजानेर गरेको गल्तीले कुनै हानी हुने छैन । प्रगतिशिल सोच र विचारको सबैबाट कदर हुनेछ । लामो दुरीको यात्रा योग रहेको छ । सामाजिक प्रतिष्ठा बढ्ने छ । मेलमिलाप र भाइचारा सम्बन्ध उँचा रहने छ । शैक्षिक क्षेत्रमा गरिने लगानी ब्यर्थ जाने छैन । मिलनसार साथीले गर्दा निकै अफ्ठ्यारो समयमा साथ पाइने छ । रोजगारीका अवसर मिल्ने छन् । भागवत कृपा बन्ने देखिएको छ । सामाजिक काममा श्रमदान गर्नु पर्ने समय रहेको छ । विचारले तपार्इंलाई अरु भन्दा श्रेष्ठ बनाउने छ । पारिवारिक जिम्मेवारी पुरा गर्न सफल भइने छ । न्यायिक कुरामा तपार्इंको सफलता अति निकट हुने देखिएको छ । मार्गमा आएका अवरोधहरु हटाउन तपाईं आफ्नै विशेष भूमिका रहनु जरुरी देखिएको छ । समग्रमा साता मध्यम रहने छ । साताको १४, १५, १७, १८ र १९ गते विशेष रहने छन्। राशि स्वामी – बृहस्पति, शुभ रङ्ग – पहेँलो, शुभ रत्न – पुष्पराज, शुभ अङ्क – ०४ शुभ दिशा –उत्तर ।
aajakokhabar