खेलकुद, फिचर » आर्मीविरुद्ध गोल बर्साउँदै मनाङले जित्यो पोखरा कप

काठमाडौंः बलियो प्रतिद्वन्द्वी नेपाल आर्मीविरुद्ध गोल बर्साउँदै मनाङ मस्र्याङ्दी क्लबले पोखरा कपको उपाधि उचालेको छ ।

एकपक्षीय बनेको फाइनल खेलमा आर्मीलाई ५–० को लज्जास्पद हार चखाउँदै उपाधि जित्दै क्रममा मनाङले पहिलो हाफमै चार गोल गर्यो ।

मनाङलाई उपाधि दिलाउने क्रममा अनिल गुरुङले दोस्रो मिनेटमै खाता खोले । त्यसपछि दसौं मिनेटमा उनैले अर्को गोल थप्दै खेललाई २–० मा पुर्याए ।

खेलको २९ औं मिनेटमा सुजल श्रेष्ठले गोल गर्दै अग्रता ३–० मा पुर्याए । ३५ औं मिनेटमा गोल गर्ने पालो थियो अफ्रिकन खेलाडी ओलावाले अफिजको ।

पहिलो हाफ ४–० मा टुंग्याएको मनाङले दोस्रो हाफमा एक गोल थप्यो । दोस्रो हाफको तेस्रो मिनेटमै फेरि ओलावाले अफिजले नै गोल गरे ।


त्यसपछि दुबै टीमबीच गोल हुन नसकेपछि मनाङले आर्मीमाथि ५–० को फराकिलो जित निकाल्दै उपाधि उचाल्यो ।
annapurnapost