फिचर, समाचार » मुस्लिम महिलाले हिन्दुको भजन गाउन थालेपछि...

धर्म परिवर्तनको विषयलाई लिएर धेरै ठाउँमा हिंसाका घटना घटेका छन् । एउटा धर्म मान्नेले अर्को धर्मको कडा आलोचना गर्ने परिपार्टी बढ्दै गएका बेला भारतको लालपुरमा भने धार्मिक सहिष्णुताको गतिलो उदाहरण फेला परेको छ ।

लालपुरको गौहरा गाउँमा मुस्लिम परिवारमा जन्मिएका चार सन्तानले हिन्दु भजन गाउनमा रमाउँछन् । उनीहरुको यो रहर र चाहनालाई गाउँबासीहरु गाउँको सहिष्णु भावना भन्ने गरेका छन् ।


एकै परिवारका चार छोरीहरुले मस्जिदको बन्धन तोड्दै देवी माताको भजनमा रमाउन थालेका छन् ।

उनीहरुले आफ्ना हिन्दु धर्मावलम्बी साथीहरुसँग मिलेर मातादेवीको मन्दिरमा गएर भजन गाएका हुन् ।

नवरात्रको पहिलो दिन गाउँका महिलाहरु गौहरा गाउँमा रहेको देवी माताको मन्दिरमा पूजा गर्न जाँदा सोही गाउँका नूर मोहम्दका छोरीहरु १६ वर्षकी नफीसा, तहसील खाँकी ८ वर्षकी छोरी तहसील, बसरुद्दीनकी छोरी ९ बर्षकी खुश्वु र जेनुद्दीनकी १० वर्षकी छोरी महक पनि माताको थानमा फूल चढाउन पुगेका थिए ।

उनीहरुले पनि हिन्दु नारीहरु सरह पूजा तथा पूजाको सामग्री चढाउनुका साथै पूजाआज गरेका थिए । उनीहरुले देवी माताको पूजा गर्दा आफूहरुलाई रमाइलो लाग्ने गरेको बताएका छन् ।

फरक फरक घरमा बस्ने बशीर खाँको परिवारमा पनि छोरीहरुले देवी माताको पूजा गरेकोमा कुनै गुनासो गरेका छैनन् ।

गाउँमा सबै मिलेर बस्दा अनि साथीहरुसँग मिलेर पूजाआज गर्दा नराम्रो मान्नुपर्ने कुनै विषय नरहेको बच्चिहरुका अभिभावहरुले बताउने गरेका छन् ।

उक्त गाउँमा धार्मिक सहिष्णुता कायम भएको छ । सबै मिलेर भजन गाउँदा अभिभावक पनि आनन्दित हुने गरेका छन् । जसले समाजमा सौहार्दताको वातावरण बनेको छ ।
annapurnapost