फिचर, बलिउड » भोकभोकैबिकिनी सुट दीइन

मुम्बई(एजेन्सी), फाल्गुन १९ - बलिउड अभिनेत्री सोनम कपुर यति बेला आयुष्मान खुरानासँग 'बेवकुफियाँ' को प्रमोशनमा व्यस्त छिन् । भइरहेको चाहिँ के छ भने, फिल्मको भन्दा अनिल कपुर पुत्री सोनमको बिकिनी सुटको बढि चर्चा छाइरहेको छ । मानौं विकिनीबाहेक फिल्मका कुनैपनि लो भलाग्दा पक्ष छैनन् । फिल्म प्रमोशनको हर कार्यक्रममा सोनामलाई सोधिने प्रायः प्रश्नहरु बिकिनीकै वरिपरि घुमेका हुन्छन् । २८ बषिर्या 'राँझणा' स्टार सोनम पनि बिकिनी अनुभव मख्ख पर्दै सुनाइरहेकी हुन्छिन् ।

हालै मुम्बईको एक म्यानेज्मेन्ट कलेजमा गरिएको पत्रकार सम्मेलनमा यस्तै भयो । को-स्टार आयुष्मानका साथ कपोरेट लुक्समा देखिएकी सोनमलाई 'बिकिनी प्रश्न' हरु ओइरिए । कलेजका विद्यार्थीहरुसित भलाकुसारी गर्दै 'कामको बेला रोमान्स गर्ने र हाकिमको  कुरा बुझ्ने तरिका' बारे पि्रजेन्टशन समेत दिएकी 'साँवरिया' गर्लमाथि प्रश्न यति ओइरिए कि उनले 'बिकिनी सुट कुनैपनि अभिनेत्रीले जस्तो हट देखिन नगरिएको' स्पष्टीकरण नै दिनुपर्‍यो ।

'मेरो बिकिनी बडीमा दीपिका पादुकोणको जस्तो एब्स र क्याटरिना कैफको जस्तो सेक्सी जाँग देखिछैन' उनले भनिन्, 'एउटी आम युवतीको शरिर विकिनीमा जस्तो देखिन्छ, म त्यस्तै देखिन्छु । तर, म बिकिनीमा राम्री पनि देखिएकी छु ।' यति राम्री बन्नका लागि  चाहिँ उनले धेरै नै मेहनत गर्नुपरेको रहस्य खोलिन् । 'बिकिनी सुट फिट हुन मैले दुई दिन भोकै बस्नुपर्‍यो,' उनले भनिन्, 'पानी मात्रै पिएँ ।'

बिकिनी पोजसित जोडिएको प्रश्न आयूष्मानतिर पनि सोझिए । एक दर्शकले सोधे, 'सोनमको चर्चा यति भइरहेको छ, मानौ सारा दुनियाँ उनकै बिकिनीको पछिल्तिर पागल झैं दौडिरहेका छन्, तपाईंको हालत चाहिँ कस्तो थियो ?' आयुष्मानले भने, 'म पनि  बहुलाजस्तै भएँ नि । सुटिङ नै पो भुलिगएछु ।'

नुपुर अस्थाना निर्देशित रोमान्टिक कमेडी 'बेवकुफियाँ' आउँदो मार्चको दोस्रो साता रिलिज

हुँदै छ । फिल्ममा सोनम र आयुष्मान दम्पत्तिको भुमिकामा देखिंदै छन् ।

www.ekantipur.com