गरम गरम, फिचर, समाचार » पति बिदेशमा भएकी महिलालाई गाउँलेले अर्केको जिम्मा लगाए

 अबैध रुपमा यौन सम्बन्ध राखेको आरोपमा महोत्तरीको गौरीवासकी एक महिला लाई स्थानीयबासिन्दाले एक युवकको जिम्मा लगाएका छन् ।
पति बैदेशिक रोजगारीमा गएको बेला परपुरुषसँग सल्किएको भन्दै स्थानियबासीले गौरीवास १ की २० बर्षिया महिलालाई धनुषाको बेंगाडाबर ७ का २२ बर्षिय युवकको जिम्मा लगाएका हुन् ।
डेढ बर्षिया एक छोरीकी आमा ती महिलाका पति बिगत १५ महिनादेखि दुवईमा छन् । ती महिला र युवकबीच लामो समयदेखि यौन सम्बन्ध रहँदै आएको स्थानीयबासिन्दाको आरोप छ ।
युवतीको घरमा दुवै जनालाई एकै ठाउँमा फेला पारेपछि स्थानीयबासिन्दाले दुबैलाई समातेर इलाका प्रहरी कार्यालय बर्दिवास लगेका थिए । बिहीबार दिउँसो प्रहरी कार्यालयमा ठूलो संख्यामा भेला भएका स्थानियबासिन्दाले दुवैलाई बिवाह गर्न दबाब दिएपछिउनीहरुले नजिकै रहेको राधाकृष्ण मन्दिरमा गएर सिन्दुरपोते गरेको प्रहरीको भनाई छ । प्रहरी कार्यालयमा भएको छलफल र मन्दिरमा सिन्दुर पोते गर्दा महिलाका घर तर्फका आफन्त र केटा पक्षका आफन्तहरुको सहभागिता थियो । ती महिलाका जेठाजुले भाईले आफूलाई फोनमा अब श्रीमतीलाई नस्वीकार्ने बताएपछि अर्कैको जिम्मा लगाइएको बताए ।
जनार्दन पोखरेल