फिचर, समाचार » १५ बर्ष भित्रमा सबै पत्रकार गाडी चढ्ने छनः प्रधानमन्त्री

२० बैशाख, काठमाडौ । प्रधानमन्त्री सुशील कोइरालाले आगामी एक बर्ष भीत्रमा लोकतान्त्रिक संविधान जारी हुने बताउनु भएको छ । एक बर्षमा स.विधान जारी गर्ने सबैदलको प्रतिबद्धता रहेको उल्लेखगर्दै त्यसपछि देश आर्थिक समृद्धिको बाटोमा लाग्ने उहाँको भनाइ थियो ।

नेपाल पत्रकार महासंघको २४ औ अधिवेशनको आज राजधानीमा उदघाटनगर्दै प्रधानमन्त्री कोइरालाले एक बर्ष भीत्रमा लोकतान्त्रिक संविधान बन्ने कुरामा आशंका नभएको बताउनु भएको हो । नेपाल अगाडी बढिसकेकोले पछाडी फर्कीन नसक्ने उहाँको भनाइ थियो ।

अन्तराष्टिय समूदायले पनि नेपाललाई सहयोग गर्न थालेका बताउदै कोइरालाले देश पछाडी फर्कीन नसक्ने उल्लेख गर्नुभयो । प्रधानमन्त्री कोइरालाले देशमा आर्थिक समृद्धि हासिल भइ १५ बर्षमा सबै पत्रकारले गाडी चढने हैसियत बनाउने उल्लेख गर्नुभयो ।

अब बन्ने संविधान प्रेस मैत्री बन्ने उहाँको प्रतिबद्धता थियो । कार्यक्रममा नेकपा एमालेका अध्यक्ष झलनाथ खनालले एक बर्षमा संविधान बन्ने बताउनुभयो । संविधान प्रेस मैत्री बन्ने उहाँको प्रतिबद्धता थियो ।

यसैबीच नेपाल पत्रकार महासंघको २४ औ अधिवेशन राजधानीमा सुरु भएको छ । काठमाडौको प्रज्ञा प्रतिष्ठानमा जारी सम्मेलनको बन्दशत्र केहीबेरमा सुरु हुदैछ ।