११ जेठ, सुर्खेत । नेकपा एमालेका नेताका नेता केपी शर्मा वलीले असली वामपन्थी एमाले भएको बताउनु भएको छ । एमाले सुर्खेतले शनिबार वीरेन्द्रनगरमा आयोजना गरेको जनसभामा ओलीले मान्छे र वनमान्छेमा फरक भएझैँ एमाओवादी र एमालेबीच निकै फरक भएको दावी गर्नुभयो ।

नेता ओलीले कांग्रेसलाई थोत्रो मादलको संज्ञा दिँदै नेता ओलीमा थोत्रो मादलमा छाला, डोरी, गेडी केही नभएजस्तै कांग्रेससँग विचार, नीति र सिद्धान्त केहि पनि नभएको टिप्पणी गर्नुभयो । देश विकासका लागि चुनाव अपरिहार्य भएको भन्दै उहाँले एमाओवादीले विभिन्न बखेडा झिकेर चुनाव नचाहेको आरोप लगाउनु भयो ।

देशमा संविधान बन्नका लागि एमाले सहितका लोकतान्त्रिक दलहरुको बहुमत आवश्यक रहेको भन्दै उहाँले एमालेसहितका दलहरुको बहुमत नआए फेरि पनि संविधान नबन्ने दावी गर्नुभयो ।