यी पप स्टारले गोलकिपरलाइ बिबाहको प्रस्ताब राखेर बिस्वोकपमा तहल्का पिटिन
मेक्सिको सिटी, (एजेन्सी) ।
नेयमारसहित ब्राजिलियन खेलाडीहरुको एक पछि अर्काे प्रहार रोक्दै टिमलाई प्रिक्वार्टरफाइनल नजिक पुर्याएका मेक्सिकन गोलकिपर गुईलेर्माे ओचोआ एका–एक सेलिब्रेटी बनेका छन् । ब्राजिलसँगको खेलमा गरेको प्रदर्शनका कारण विश्वभर चर्चामा रहेका ओचोआलाई एक चर्चित पप स्टारले विवाहको प्रस्ताव राखेकी छिन् । पप स्टार थालियाले ट्विटरमार्फत मेक्सिकन किपरलाई विवाहको प्रस्ताव राखेकी हुन् । 
थालियाले आफ्नो ट्विटरमा लेखेकी छिन्, ‘ओचोआ, म्यारी मि !’ ट्विटका अलावा उनले मेक्सिकन किपरको एउटा तस्विर पनि पोस्ट गरेकी छिन् । ब्राजिलका हरेक प्रयासलाई विफल पार्दै खेल गोलरहित बराबरीमा टुंग्याउन महत्वपूर्ण भूमिका निभाएका उनी सो खेलमा म्यान अफ दि म्याच चुनिएका थिए । 
उनको सोही प्रदर्शनको बलमा मेक्सिको ग्रुप ‘ए’ बाट दुई खेलमा ४ अंक जोड्दै प्रिक्वार्टरफाईनल नजिक छ ।
