polities, फिचर » भारतको अघोषित नाका बन्दीमा कांग्रेसको पनि हात छ : मन्त्री केसी

भक्तपुर, ३ फागुन – उपप्रधान एवम् सहकारी तथा गरिबी निवारण मन्त्री चित्रबहादुर केसीले भारतले अघोसित रुपमा लगाएको नाका बन्दीमा नेपाली कांग्रेसको पनि हात रहेको बताउनुभएको छ । उहाले केही दलहरुले सरकारलाई अपबित्र गठबन्धन भन्दै टिप्पणी गरेको भन्दै नाम नलिई बिदेसीको इसारामा चल्लेहरुले सरकारलाई अपबित्र भनेको भन्नुभएको हो । कांग्रेस नेताहरुले पछिल्लो समय वर्तमान सरकारलाई अपबित्र गठबन्धनको संज्ञा दिदै आएका छन् । मंगलबार रफत् सञ्चार क्लबले आयोजना गरेको अन्तक्र्रिया

कार्यक्रममा बोल्दै उहाँले आफू सरकारमा रहेपनि पहिले देखि नै संघीएताको बिरुद्ध रहेको बताउनुभयो । उहाँले मन्त्री पदसँग संघीयता नसाटेको दाबी गर्नुभयो । सरकार परिवर्तनको खेल सुरु हुनु नौलो कुरा नभएको टिप्पणी गर्दै उपप्रधानमन्त्री केसीले भन्नुभयो, “छिमेकीको चाहना विपरीत बनेको वर्तमान सरकारबाट आफ्नो चाहना पूरा नहुने भएपछि छिमेकीकै इसारामा केही तत्व देशको स्वाभिमानलाई बन्धक राख्दै सरकार परिवर्तनको हल्ला चलाइरहेका छन्, यो नौलो कुरा होइन ।”
भूगोल र जनसङ्ख्याका आधारमा निर्वाचन क्षेत्र निर्धारण गर्नुपर्नेमा अरुको दबाबमा संविधान संशोधन गरेर जनसङ्ख्याका आधारमा निर्वाचन क्षेत्र निर्धारण गर्ने व्यवस्था हुन गलत भएको बताउनुभयो । पाँच दिनपछि हुने प्रधानमन्त्रीको चीन भ्रमणमा पारवाहन, व्यापारलगायत नेपालका लागि हित हुने कुरामा सम्झौता गरेर एउटै देशमाथिको परनिर्भरताको अन्त्य गर्ने बताउनुभयो ।

  nepalnewslive