दुवै हात नभएकी बडि बिल्डरको दुनियाँलाई छक्क पार्ने कर्म
एनपीसी जुनियर यूएसए बडिबिल्डिङ च्याम्पियनसिप भएको छ, जसमा हजारौं सहभागी मध्ये एक महिलाले स्ट्याण्डिङ अभिएसन पाएकी छिन् ।
दुबै हात नभएकी बार्बी थोमसले कुनै उपाधि त जितिनन्, तर सबैको मन भने जितिन् । क्यारोलिनाकी ३७ वर्षीया थोमस दुई सन्तानकी आमा हुन् । उनले एक दुर्घटनामा दुबै हात गुमाएकी थिइन । तर, बडिबिल्डर बन्ने सपना पूरा गरेरै छाडिन् । उनी भन्छिन-’म सबैलाई के भन्न चाहन्छु भने तपाई जे गर्नुस्, बस दिमागमा राख्नुस् ।’
आयोजकले थोमसलाई परिचय गराएपछि उनले आफ्नो ट्रेनरलाई स्टेजमा बोलाउने अनुमति मागिन् । सुरुमा उनको प्रस्ताव अस्वीकार भयो । तर, जब उनले आफ्नो दुबै हात नभएकाले ड्रेस लगाउन सहयोग चाहन्छु भनिन् उनको प्रस्ताव स्वीकार भयो ।
उनी समान्य मानिसले गर्ने सबै काम आफै गर्न सक्ने बताउँछिन् । दाँत माझ्नेदेखि भात पकाउने, लेख्ने र ड्राइभिङ गर्नेसम्म । उनी फिटनेशसम्वन्धी पत्रिका पढ्न रुचाउँछिन् ।
उनले पहिलो पटक २००३ मा फिटनेश प्रतियोगितामा भाग लिएकी थिइन् । उनी भन्छिन्, अहिले यो काम मेरो रगतमा छ र यो विना म बस्न सक्दिन ।’
उनले दुई वर्षको हुँदा नै दुबै हात गुमाएकी थिइन् । विद्युत ट्रान्सर्फमरमा गढेका कारण करेन्ट लागेपछि उनले दुबै हात गुमाएकी थिइन् ।
डाक्टरले उनलाई बचाउन गाह्रो हुने र बाँचे शाकाहारी हुनु पर्ने बताएका थिए । उनी भन्छिन्-’तर, भगवानले मेरा लागि अलगै योजना बनाएका हरेछन् । म अहिले पनि स्वस्थ छु ।’
