दुर्घटना, फिचर » तस्करीलाई छुटाउन गएका आफैं पक्राउ

 अवैधरुपले भारतीय सामान ढुवानी गर्न भनि तस्करी लाइन खुलाउन गएका एकजना तस्करलाई रौतहट प्रहरीले पक्राउ गरेको छ । मासिक ठुलो रकम दिएर भारतीय कपडा अबैध रुपमा ढुवानी गर्न तस्करी लाइन खुलाउन गएका बिर्तिप्रस्टोका–६ का गजेन्द्र भन्ने रञ्जय कुमार साह पक्राउ परेका हुन । मासिक रुपमा रकम दिएर सिमावर्ती भारतीय बजार घोडाशहनबाट अवैध रुपमा कपडा ढुवानी गर्न कुरो मिलाउन गएका साहलाई गए राती प्रहरीचौकी बंकुलका असइ मानबहादुर ज्ञवालीले पक्राउ गरेको एसपी सानुबाबु थपलियाले बताएका छन् । तस्करी लाइनबारे पटक–पटक मनाही गर्दा पनि ठुलो रकम दिने लोभ दिएर बारम्बार लाइन खुलाउन दवाब दिएको कारण असइ ज्ञवालीले तस्कर साहलाई पक्राउ गरेको हो ।
उनीहाल जिल्ला प्रहरी कार्यालयको नियन्त्रणमा रहेका छन् । पछिलो एकदशकदेखि
उनले व्यवसयीक रुपले तस्करीको काम गर्दै आएको एसपी थपलियाको ठहर छ । बंकुल, मौलापुर, सन्तपुर दोस्तिया, लक्षमिनिया, कटहरियालगायतका प्रहरीलाई रकम दिएर रञ्जयले सिमावर्ती भारतीय बजार घोडाशहनबाट अवैधरुपमा कपडा भित्र्याइ जिल्लाको बजारहरुमा पुर्याउने काम गरेको थपलियाले बताएका छन् । त्यती मात्र नभइकन केही महिना अघिमात्र बंकुल प्रहरीचौकीको गस्तीटोलीले अबैध कपडा सहितको दुइवटा मोटरसाइकल बरामद गर्दा रञ्जयले सोनरनिया गाबिसका केही स्थानियलाई उचालेर बरामद सामान लुटेर भागेको प्रहरीमा रेकर्डसमेत रहेको उनले बताएका छन् । पछिल्लो समयमा एसपी थपलियाको कडा निर्देशनपछि जिल्लास्थित तस्करहरु हरेस खाएका छन् । दसैंको अवघिभित्र मात्रै प्रहरीको विभिन्न टोलीले एकथान ट्याक्टरसहित १०लाखभन्दा बढीको अवैध भारतीय सामान बरामद गरेको जिल्ला प्रहरी कार्यालय रौतहटले जनाएको छ ।