खेलकुद, फिचर » विश्व क्रिकेट च्याम्पियनसिप: नेपाल र नेदरल्याण्डको खेल तालिका सार्वजनिक

 काठमाडौँः अन्तराष्ट्रिय क्रिकेट काउन्सिल (आईसीसी)ले विश्व क्रिकेट लिग च्याम्पियनसिप अन्तरर्गत हुने नेपाल र नेदरल्याण्डको खेल तालिका सार्वजनिक गरेको छ ।

आईसीसीका अनुसार नेपाल र नेदरल्याण्ड बीच हुने दुई प्रतिस्पर्धा आगामी अगष्ट १३ र १५ अर्थात् साउन २९ र ३१ गते नेदरल्याण्डमा हुनेछ ।

नेपाल क्रिकेट संघलाई निलम्बन गरेको भोलिपल्ट आईसीसीले नेपाल र नेदरल्याण्डको खेल तालिका सार्वजनिक गरेको हो ।

विश्व क्रिकेट लिग च्याम्पियनसिपमा नेदरल्याण्ड १० अंकसहित शीर्ष स्थानमा छ । नेपाल भने चार अंकसहित पाँचौ स्थानमा रहेको छ ।

नेपालसँग खेल्नु अघि नेदरल्याण्डले जुलाईमा अफगानिस्तानसँग इन्टरकन्टिनेन्ट कप अन्तरगतको चार दिवसीय खेल खेल्ने तालिका समेत आईसिसिले सार्वजनिक गरेको छ ।
annapurnapost