एनआरएन फ्रान्सको पेरिसमा बृहत सांस्कृतिक कार्यक्रम
पेरिस । फ्रान्सको पेरिसमा बृहत सांस्कृतिक कार्यक्रम भव्यताका साथ सम्पन्न भएको छ । गैरआवासीय नेपाली संघ राष्ट्रिय परिषद फ्रान्सको आयोजनामा आइतवार पेरिस-लाकुर्नवको भब्यहलमा नेपाली सांगीतिक कार्यक्रम बड़ों उमङगका साथ सम्पन्न भएको हो । गायन क्षेत्रका प्रसिद्ध नेपाली कलाकारहरू रामकृष्ण ढकाल, मल्लिका कार्की र द एक्स् ब्याडको समूह यूरोपको कार्यक्रममा घुमिरहनु भएको मौका पारि पेरिसका नेपालीहरूलाई नेपाली सांगितिक तथा गायनको प्रत्यक्ष सहभागी भइ मनोरञ्जन गर्ने अवसर एन. आर. एन. ए. फ्रान्सले मिलाएको हो ।दुई चरणमा सम्पन्न भएको कार्यक्रम फ्रान्सका लागि नेपाली राजदूत महामहिम मोहन कृष्ण श्रेष्ठ र संघका अध्यक्ष निर्मल अर्यालले पानशमा संयुक्त बत्तीबालेर उद्घाटन गर्नुभयो । कार्यक्रमको सभापतित्व संघका उपाध्यक्ष तथा सांस्कृतिक संयोजक घनश्याम पौडेलले गर्नुभएको थियो । कार्यक्रममा बेल्जियमका आई. सी. सी. सदस्य रवीन्द्र मान श्रेष्ठ र संघका संरक्षक हरिहर अर्यालको बिशेष अतिथि रहनुभएको थियो । कार्यक्रममा संघका सल्लाहकार मुकुन्दमान अमात्य, दूतावासका मिनिस्टर काउन्सीलर रामबावु ढकाल, राजदूत पत्नी सजना श्रेष्ठ ,बेल्जियमकी समाजसेवी रजनी श्रेष्ठ लगायत संघका उपाध्यक्ष हरिप्रसाद सापकोटा, सचिव सुवर्ण बिक्रम हमाल, सह-कोषाध्यक्ष नरेन्द्र शाही, महिला संयोजक शोभा मैनाली, युवा संयोजक एक बहादुर मल्ल र कार्यसमितिका सम्पूर्ण सदस्यहरूको उपस्थिति थियो । कार्यक्रममा फ्रान्सका विभिन्न नेपाली मैत्रीसंघका पदाधिकारीहरू, गण्यमान्य र झण्डै ४ सय जना नेपाली तथा फ्रेन्च मित्रहरूको उपस्थिति थियो । नेपाली राष्ट्रिय झण्डा र विभिन्न ध्वजापतका र ब्यानरले सिंगारिएको हल र कार्यक्रम स्थल परिसर भब्यरूपमा नेपालमय देखिन्थ्यो ।