आफ्नै छोरी बलात्कार गर्ने पत्रकार
आफ्नै छोरी बलात्कार गर्ने एमाले भातृ संगठन प्रेस चौतारीका नेता रमेश पोखरेल यतिबेला प्रहरी खोरमा छन् । पत्रकार तथा प्रेस चौतारीका केन्द्रीय सदस्य पोखरेललाई आफ्नै छोरीलाई बलात्कार गरेको अभियोगमा प्रहरीले पक्राउ गरेको हो । केहि दिन देखि बलात्कारको आरोपमा पक्राउ परेका पोख्रेल अर्धभूमिगत रहेका थिए । अर्धभूमिगत हुँदै गर्दा उनी प्रेस चौतारीको बैठकमा आएका थिए । बिश्वस्त श्रोतले भन्यो, काठमाडौंको बागबजारस्थित कार्यालयमा एमाले प्रेस चौतारी नेपालको बैठक बसिरहेको थियो । बैठक स्थलमा अचानक प्रहरी पुगेपछि केहीछिन त सन्नटा नै छायो । सबैले मुखामुख गर्न थाले ।
प्रेस चौतारीको केन्द्रीय बैठकमा भाग लिन झापाबाट आएका पूर्वान्चल इन्चार्ज समेत रहेका पोखरेललाई सिंहदरबार प्रहरी वृतले शनिबार राजधानीको बागबजारमा प्रेस चौतारी केन्द्रीय समितिको बैठक बसिरहेका बेला पक्राउ गरेको हो । पोखरेललाई पक्राउ गरि हनुमानढोका पठाएको छ । पोखरेल विरुद्ध उनकै पत्निले प्रहरी समक्ष उजुरी दिएकी थिइन् । प्रहरी स्रोतका अनुसार उनी माथि हाडनाता, जर्वजस्ती करणी, र बाल यौन दुव्र्यबहारका तीनवटा मुद्दा लगाइने भएको छ । आइतबार उनलाई म्याद थपका लागि जिलला अदालत लैजाने तयारी छ । स्रोतका अनुसार उनले छोरीमाथि कक्षा ७ मा पढ्दा देखि नै जर्वजस्ती करणी गर्दै आएका थिए । उनी अहिले कक्षा १० मा अध्यनरत छन् ।
लामो समयको पीडा पछि मात्रै उनले आमालाई पीडा सुनाएपछि प्रहरीमा उजुरी दिइएको थियो । प्रहरीले पक्राउ गरे लगत्र्तै केही युवाहरुले प्रेस चौतारीको कार्यालय तोडफोडको प्रयास समेत गरेका थिए ।