बिहारमा मुख्यमन्त्री, नेपालमा खुशीयाली
सवरी संकल्प समाज गोलवजार सिरहाले मुसहर समुदायका पहिलो मुख्यमन्त्री जितनराम मुसहरलाई बधाई तथा शुभकामना कार्यक्रम गर्दै मिठाई, सरवत वितरण गर्दै खुशियाली मनाएका हुन् ।
सिरहा गोलवजारका विभिन्न गाउँका मुसहर जातीय मरर, गोराइत तथा अगुवा कार्यकर्ताको सहभागीमा खुशियाली मनाएका थिए ।
उपेक्षा गरिएको गुनासो
नेपालका अतिविपन्न तथा गरिव मानिएका मुसहर जातिलाई राजनितीक दल र सरकारले उपेक्षा गरिएको मुसहर समुदायका अगुवाहरुले गुनासो गरेका छन् ।
सवरी संकल्प समाज गोलवजारद्वारा आयोजित मुसहर जातिका ‘भारत विहार मुख्यमन्त्री जितनराम माझी मुसहरलाई बधाई तथा शुभकामना’ नामक कार्यक्रममा मुसहर समुदायका अगुवा कार्यकर्ताहरुले सो कुरा बताएका हुन् ।
कार्यक्रममा मुसहर जातीय मरर गोराइत समिति सिरहाका अध्यक्ष रासलाल सदाले पटकपटकको संविधानसभामा पनि कुनै पनि दलले सहभागी गराउन नसक्नुले पनि यो जाती माथी राजनितीक दल र सरकारले उपेक्षा गरिएको बताए ।
कार्यक्रममा वक्ताहरुले मुसहर जातिका वीर सहिदहरुको योगदानलाई पनि कदर गर्न नसकिएको गुनासो गरेका थिए । निर्दल र बहुदलको समयमा सहिद भएका बहादुर सदा, मधेश आन्दोलनमा सहिद भएका प्रमोद सदा र द्वन्द्वकालमा राजनितीक जीवनदान दिएका विकास सदा, मोहन सदा जस्ताको योगदानलाई कदर नगरिएको गुनासो गरे ।