विपक्षी-दल-आज-पनि-विभिन्न-छलफलमा
१० माघ, काठमाडौँ ।
आगामी रणनीति र आन्दोलनको बारेमो छलफल गर्न विपक्षी दलहरु आज पनि बिहानैदेखि छलफल गर्दैछन् ।
एकीकृत नेकपा माओवादीसहित मधेसवादी दलका साथै नेकपा माओवादीसमेतले आज पनि छलफललाई निरन्तरता दिन लागेका हुन् ।
तत्काल सहमतिको कुनै संभावना नभएको भन्दै विपक्षी दलको मोर्चामा आवद्ध केही दलको बैठक बिहान ९ बजे सिंहदरबारमा बस्दैछ ।
त्यसपछि मध्यान्हपछि १९ दलीय मोर्चाको बैठक बस्ने र २ बजे नेकपा माओवादीसमेतको संयुक्त छलफल गर्ने तयारी भएको नेताहरुले बताएका छन् ।
छलफलमा संविधानसभामा आफ्नो भूमिका, आफूहरुको मुद्दा र आगामी दिनमा गरिने आन्दोलनलगायतका विषयमा छलफल हुनेछ ।
सत्तारुढ दुई दलको भने आज छलफल हुने नहुने तय भइनसकेको ती दलको नेताहरुले बताए ।