आइएससँग बदला लिन जोर्डनी राजा अब्दुल्ला युद्धमा आफैं जाने
आफ्नो वायुसेनाका पायलटलाई जिउँदै जलाएर आइएसले निर्मम हत्या गरेपछि क्रूद्ध बनेका राजा अब्दुल्लाले आइएसलाई जरैदेखि निमिट्यान्न पार्न आइएस नियन्त्रित क्षेत्रमा गरिने आक्रमणको नेतृत्व गर्ने दृढता देखाएका हुन् ।
सत्ता सम्हाल्नुअघि राजा अब्दुल्ला जोर्डनको ‘स्पेसल फोर्स’मा मेजर जनरल थिए । अब्दुल्ला एक ‘ट्रेन्ड कोबरा अट्याक’ हेलिकप्टर पाइलट पनि हुन् । सन् १९८० मा ब्रिटेनको रोयल मिलिट्री एकेडेमीमा तालिमका लागि भर्नासमेत भएका उनी ब्रिटिस सेनामा सेकेन्ड लेफ्टिनेन्टका रुपमा तैनाथ थिए ।
आक्रोशित र दुःखी बनेका देशबासीलाई सम्बोधन गर्दै राजा अब्दुल्लाले धैर्य गर्न अपील पनि गरेका छन् । पायलटको हत्या गरेलगत्तै जोर्डनले पनि उसको नियन्त्रणमा रहेको अलकायदासम्बद्ध दुई व्यक्तिलाई फाँसी दिएको थियो ।
मृतक पायलटका बाबुले हत्याको बदला लिन अपील गरेका छन् भने जोर्डनको राजधानी अम्मानमा ठूलो संख्यामा सर्वसाधारणले हत्याको विरोधमा प्रदर्शन गरेका छन् ।
सिरियाको रक्कामा विमान उडाउँदै गर्दा गत वर्षको डिसेम्बरमा कसासबेहलाई आइएसले कब्जामा लिएर बन्धक बनाएको थियो । (एजेन्सी)