‘बिदेश पुगेर देशकै बेइज्जत गर्ने ?’ भन्दै ओली मोहना अन्सारीसँग बम्किए
काठमाण्डु, २४ चैत– ‘म आज यो पदमा छु, भोलि नरहन सक्छु, तर राष्ट्र त रहिरहन्छ । तपाई नेपाली नागरिक, अन्तर्राष्ट्रिय मञ्चमा गएर गलत कुरा बोल्दै आफ्नो देशको बेइज्जत जर्ने ? ’ अप्रत्यासित रुपमा अध्यक्षसहित राष्ट्रिय मानवअधिकार आयोगका सबै सदस्यलाई सिंहदरबार बोलाएर गत आइतबार प्रधानमन्त्री केपी ओलीले एक जना सदस्यमाथि यसरी खनिएका हुन् ।
मोहनाको प्रतिवेदनमा मधेस आन्दोलनको दौरान ५५ जना मारिएको, नयाँ संविधानप्रतिको अविश्वासले गर्दा तराई अशान्त भएको, राजनीतिक मुद्धा र मतभिन्नताको स्थिति जटिल रहेको, दण्डहितताको मात्रा भयावह भएको , आमाको नामबाट सन्तालाई नागरिकता दिलाउन मुस्किल परेको, अत्याधिक बल प्रयोग गरेर मधेसमा मानिस मारिने घटनाको विस्तृत छानविन हुनुपर्ने व्यहोरा उल्लेख थियो । उक्त प्रतिवेदनको शब्द शब्द केलाउँदै प्रधानमन्त्रीले सोधे, कस्तो भाषण गर्नुभाको त्यो ? त्यतिबेला ठाउँठाउँमा नेपाल प्रहरी र सशस्त्र प्रहरीको पनि ज्यान गएको थियो । के तिनलाई पनि सरकारले नै मार्न लगाएको हो ? जनआस्था साप्ताहिकबाट