भिआइपी सुरक्षा पनि भगवान् भरोसामा
तर, बलियो बनाउन मन्त्रालय क्रियाशील रहेको उल्लेख गर्दै उनले भने, ‘स्रोत–साधनको अभावमा पनि कमजोरी हुनसक्छन्, हामी सुधारका काम गरिरहेका छौँ ।’
नेपाल प्रहरीमा विशिष्ट व्यक्तिको सुरक्षाका लागि डिआइजीको नेतृत्वमा सुरक्षा सेवा निर्देशनालय छ । तर, निर्देशनालयमा सामान्य किसिमको भिआइपी सुरक्षा तालिम गरेका व्यक्ति मात्र छन् ।
सशस्त्र प्रहरी र नेपाली सेनाको पनि विशिष्ट व्यक्ति सुरक्षाका लागि छुट्टै फोर्स छैन । तुलनात्मक रूपमा पिएसओमा खटाउनेलाई सेनाले उच्चस्तरको तालिम दिने गरेको छ । छिमेकी मुलुक भारतमा भिआइपीहरूको सुरक्षाका लागि छुट्टै फोर्स छ । इन्टेलिजेन्समा आधारित भिआइपी सुरक्षा प्रणाली छ भने सुरक्षामा विज्ञ अधिकारी नै खटिने गरेका छन् ।
आजको नयाँ पत्रिका दैनिक लेख्छ, भिआइपीको सुरक्षालाई बलियो बनाउन नेपाल प्रहरी, सशस्त्र प्रहरी र नेपाली सेनाको एकीकृत फोर्स गठन गर्नुपर्ने पूर्वएआइजी ढकाल बताउँछन् । प्रधानमन्त्री, राष्ट्रपति, गृहमन्त्रीलगायत उच्चपदस्थ अधिकारीको सुरक्षामा तीनै निकायका सुरक्षा अधिकारी खटिने गर्छन् । तर, उनीहरूबीच समन्वय राम्रो नहुँदा भिआइपी सुरक्षामा समस्या हुने गरेको छ ।