भारतले नाका बन्द गर्ने संकेत दिँदा चिनले दियो बधाई कुन कुन देशले के भने ?
काठमाडौं, ५ असोज । नेपालमा नयाँ संविधान
जारी भए लगत्तै भारतले आपूर्ती रोक्ने संकेत गरेको छ
तर, अर्को छिमेकी देश चीनले भने नयाँ संविधान
जारी गर्न सफल भएको भन्दै नेपाललाई बधाई दिएक
छ ।
सामु चिनको यो सन्देश भने महत्वपूर्ण मानिएको छ ।
एउटा छिमेकी देश छटपटाइरहँदा अर्को छिमेकी देशले
खुसी व्यक्त गरेपछि या चर्चामा आएको छ । चिनले
सोमबार आगामी दिनमा राष्ट्रिय एकता, स्थिरत
र विकासका लागि नेपाल अघि बढ्नेमा आफू
आशावादी रहेको जनाएको छ ।
चिनियाँ विदेश मन्त्रालयका प्रवक्ता होङ् लिले
नेपालका दलहरु संवाद र छलफलका माध्यमबाट
राजनीतिक मतभेदहरु संबोधन गर्नेमा आफू आशावादी
रहेका बताएका छन् । उनले सोमबार बेइजिङ्मा
पत्रकारहरुसँग कुरा गर्दै यो प्रतिक्रिया दिएका हुन्
प्रवक्ता होङ् लिले नेपालसँगको द्विपक्षीय
सम्वन्धलाई आफूले उच्च महत्व दिएको बताएका छन् ।
मुलुक र जनताको आधारभूत स्वार्थलाई ध्यानमा
राख्दै नेपालका सबै दलहरु आपसी मतभेदहरु संवोधन गर्न
सफल हुने उनले बताए ।
‘नयाँ संविधान जारी भएकोमा नेपाललाई हार्दि
बधाई दिन चाहन्छौँ, प्रवक्ता लिले भने, नेपालले
अहिलेको अवसरलाई राष्ट्रिय एकता, स्थायित्व र
विकासका लागि उपयोग गर्नेछ भन्ने चीनले चाहेको
छ।’
नेपालको आर्थिक र सामाजिक विकासका लागि
नेपालकै क्षमताअनुसार आगामी दिनमा द्विपक्षिय
मैत्रीपूर्ण सहकार्य र सहायतालाई अझै गहिरो बनाउ
चीन सदैव तयार रहेको प्रवक्ता लिले उल्लेख गरे ।
नर्वेले पनि दियो बधार्इ
यसैबीच नर्वेले नेपालमा नयाँ संविधान जारी
भएकोमा बधाई दिएको छ । नेपालस्थित नर्वेजियन
दूतावासले वक्तव्य जारी गरी नयाँ संविधान जारी
हुनु नेपालको लोकतान्त्रिक विकासमा कोसेढुंगा
रहेको उल्लेख गरेको छ ।
‘नेपालको राजनीतिक नेतृत्व र सबै राजनीतिक
समूहलाई संयुक्त प्रयासबाट शान्तिपूर्ण माध्यमबाट
नयाँ संबिधान कार्यान्वयन गर्दै भावी समाजिक
तथा आर्थिक विकास सुनिश्चित गर्न नर्वे आग्रह गर्छ
वक्तव्यमा भनिएको छ ।
यसअघि भारतले नेपालमा नयाँ संविधानको
आगमनप्रति भारतको चिसो प्रतिक्रिया आएको
थियो । भारतले नेपालमा नयाँ संबिधान जारी
भएकोमा स्वागत र नेपाली जनतालाई बधाई
दिइएको छैन ।
‘नेपालमा एउटा संविधान जारी भएकोबारे
जानकार छौँ’उल्लेख गरेर नेपालमा नयाँ संविधान
जारी भएकोमा भारतले असन्तुष्टि जनाएको हो ।
शनिबार मात्रै दुई दिने भ्रमण सकेर फर्किएका
भारतीय प्रधानमन्त्री नरेन्द्र मोदीका विशेष दूत ए
जयशंकरले सर्वस्वीकार्य संविधान ल्याउन दलहरुलाई
सुझाव दिँदै यदी मधेसी दलहरुलाई संविधान जारी
प्रक्रियामा सहभागी नगराइए त्यसलाई भारतले
स्वागत नगर्ने सन्देश उच्च राजनीतिक नेतृत्वलाई
दिएका थिए ।
नेपालमा संबिधान जारी भएकोमा तीब्र असन्तुष्ट
भारतीय शीर्ष राजनीतिक नेतृत्वले उच्च नेतृत्वसँग कुनै
शुभकामना र स्वागतको सन्देश पठाएको छैन ।
आइतबार नै स्वीजरल्याण्डले वक्तव्य जारी गरी नयाँ
संविधान नेपालको शान्तिप्रक्रिया पूर्णताको
महत्वपूर्ण कोसेढुंगा भएको प्रतिक्रिया दिएको
थियो ।
युरोपेली संघ, जापान र रुसले नयाँ संविधान
संविधानसभाबाट अनुमोदन भएकोमा स्वागत गर्दै
संविधानपछि नेपालमा दिगो विकास हुने अपेक्षा
लिएका छन् ।
तर, अमेरिका र बेलायतले आलोचनात्मक रुपमा
संविधान अनुमोदन भएकोमा समर्थन मात्रै गरेका छन्
संयुक्त राष्ट्रसंघले संविधानसभाबाट संविधान
अनुमोदन भई जारी भएकोमा मौनता देखाएको छ ।