» मधेस आन्दोलनबारे मधेसीभन्दा बिहारी नेता बढी सक्रिय भयकेा खुलासा

'नेपालमा मधेसीमाथि दोस्रो दर्जाको नागरिक सरह व्यवहार भैरहेको छ।' 'नायाँ संविधानमा समेत मधेसीलाई दोस्रो दर्जाको नागरिक बनाइएको छ।'

भारतकाे राष्ट्रिय जनता दलका उपाध्यक्ष रघुवंशप्रसाद सिंहले बिहारका सहरहरुमा आयोजना हुने गरेका नेपालको मधेसका विषयमा गर्ने गरेका भाषणका केही अंश हुन् माथिका।

असमानता र बिभेद रहेसम्म मधेसमा लडाईं चलिरहन्छ। तर, मधेसीको लडाईंलाई आफुले साथ दिइरहने सिंह बताउँदै आएका छन्। मधेस नेपालको मामिला हो, तपाईहरुले किन हस्तक्षेप गर्नुपर्यो ? पत्रकारको जिज्ञासा रहने गर्दछ। 'हाम्रो २४ लाख छोराछोरीको विवाह मधेसमा भएको छ। मधेसीको रगत बग्दा हाम्रो मन र मुटु दुख्छ। कारण नाताकुटुम्बको सम्बन्ध छ। हाम्रो मधेससँग,' भावनात्मक अभिव्यक्ति दिँदै सिंहको प्रतिक्रिया रहने गरेको छ।

'हामी भारत सरकार जस्तो मधेस आन्दोलनको हकमा बेखबर रह्न सक्दैनौं। दिल्ली र काठमाडौंको हवाई सम्बन्ध छ। मधेससँग हाम्रो जमीन नै जोडिएको छ। नाताकुटुम्ब, सांस्कृतीक, विहेवारीजस्ता सम्बन्ध छन्। मधेसीको दुखबारे हामी बेखबर बस्ने सवालै आउँदैन,' सिंह भन्छन्, 'हामीले कुनै हस्तक्षेप गरेका छैनौं । सचाइको पक्षमा भैरहेको निसाफको लडाईंलाई साथ, सहयोग र समर्थन गरिरहेका छांै। मधेसीले अधिकार नपाएसम्म हामी सहयोग गरिरहन्छौं।'

अब बिहारको यात्रा सकेर २०, २१ र २२ फर्वरीमा दिल्लीमा मधेसी नेता, भारतीय नेता र वुद्धिजिवि अधिकारबादीलाई सहभागी गराएर मधेसबारे वृहत बहस गराउने उनले योजना सुनाए। भारत सरकारलाई मधेसका बारेमा मुख खोल्न र पञ्चको भूमिका खेल्न दवाव दिने कार्यक्रमको उदेश्य रहेको पनि उनले खुलाए। जनकपुर, वीरगन्ज हुँदै काठमाडौंसम्म मधेस सम्वाद यात्रासम्मको योजाना रहेको सिंहले बताए ।
nagariknews